كان عندى حلم كبير ॥ حلم جميل ॥ حلم مضئ ॥ حلم واصل للسما ॥ حلم واضح متخطط ومكتوب ...
حلم اتولد جوايا صغير حر برئ ॥ كبر وحده وحده ॥ ومشى خطوة خطوة ॥ مكنش متخيل انه هيلاقى فى يوم طريق مسدود...
مرت الايام ومشاغل الحياة غطت على الحلم الكبير ॥ وادفن الحلم المضئ فى الركام مكبوت ...
ولأنه ما اتغذاش ॥ مكبرش ॥ منماش॥ لقى الحلم نفسه فجأة فى سجن قضبانه شك وخوف...
مقدرش يقاوم ॥ يصرخ بيستجد بيتحايل ॥ ملقاش حد ينجده ملقاش غير صدى للصوت...
وعدت أيام كتير ॥ وحصلت أحداث كتير॥وصورة الحلم الجميل طيفها فى الخيال مرسوم...
بس قضبان الشك والخوف ॥ كل ما يحاول الحلم يتنفس يلاقيها هتموتوه مخنوق ...
فى نفس الوقت الحلم بيحاول ॥بينتفض بيقاوم ॥ على أمل انه فى يوم يطلع تانى لفوق...
و فى أقسى لحظة ضياع وحيرة ॥ اخد الحلم القرار انه مش ممكن يمووت مخنوق...
مش ممكن يسلم بالفشل ॥ طول مافيه فى النفس ايمان ويقين باللى خلق الكون...
ولأنه فى احلك لحظات اليأس نور الايمان هو اللى بيحيي القلوب...
بعزيمة وصبر ॥ بهمة واصرار ॥ اخد الحلم يقاتل بشراسة كل شك وخوف...
وبأمر المولى ॥ فى لحظة صدق ॥ غلب الحلم وانتهت المعركة بالفوز...
انتصر الحلم وراحت آثار المعركة و أزال بقايا كل اللى كان موجود...
من شك وخوف ॥ من عجز وكسل॥ وطار الحلم بحرية تانى لفوق...
نور الحلم الجمبل وانتعش ॥ اتنفس تانى واتفرش॥ واخد راحته بعد ما قعد كتير مكبوت...
اترجم الحلم الكبير فى تصرفات ॥ فى كلمة॥ فى همسة॥ فى فكرة ॥ فى قيمة وفى اعتقاد.. مولود...
كبر الحلم اكتر وكتر ॥ رسخ واتشبك ॥ فى اركان روحى كلها عاشق ومعشوق...
وامتدت جذور الحلم جواى.. اتفرعت فروعه ॥وزهزهت أغصانه وامتدت لفوق...
واتشرح صدرى وارتاح بالى ॥ واتملت روحى بهنا.. بفرح ..بسرور ملأ الوجود...
الحلم الجميل ॥ الكبير ॥ المضئ॥ اتولد من جديد ॥ وبعث فى نفسى تانى معانى النجاح والطموح...
بقى كلى أمل فى بكرة ॥ فى النهاردة ॥ ورضا عن امبارح واتعلمت الدرس بعد تعب ومجهود...
طول ما الحلم عايش جوانا ॥ طول ما حاربنا بجد عشانه॥ طول ما سقيناه ايمان بيقين راسخ موجود....
هنعيش حياة طيبة ॥ نحقق فيها هدفنا المنشود॥ اكبر غاايتنا فيها رضا رب الوجود ....
عمل وعبادة॥ ايمان وسعادة ॥خدمه لعبادة ॥ رفعة لدينه ॥ جهاد فى سبيله
॥وحلم كبير مضئ طاير فى السما॥ لفوق.. لفوق....
خديجة
26أكتوبر 2010
ليست هناك تعليقات:
إرسال تعليق